Vandlifað fyrir forsetann!

Nú þegar hann kýs að vera raunsær og taka ekki þátt í einhverjum blekkingarleik til að narra fólk utan úr heimi, þá er hann lastaður fyrir það!

Gosið nú lítið annað en æfing

Athugasemdir

[Axel Jóhann Hallgrímsson, 20.4.2010 kl. 12:31]

Sammála.

[Jónorri (IP-tala skráð) 20.4.2010 kl. 13:38]

Sammála

[Tómas H Sveinsson, 20.4.2010 kl. 13:49]

Lastaður og það ekki að ástæðulausu. Hvað haldiði að margir muni hætta við að heimsækja landi nú í sumar? Þegar sjálfur forsetinn boðar að landið muni allt að því leggjast í auðn, hvað haldiði að margir erlendir ferðamenn vilji vera hér og lenda í því líka? Nei, þessi ÓRG er búinn að segja meira en hægt er að líða. Munum að "þetta" er ennþá foseti lýðveldisins og því meira mark tekið á honum en öðrum í erlendum fjölmiðlum.

[Kristján H Theódórsson, 20.4.2010 kl. 14:10]

Hver segir að þetta auki ekki bara ferðamannastrauminn? Hluti ferðalanga eru fyrir eitthvað óvenjulagt.

En auðvitða er aðalatriðið hvað maðurinn í raun sagði. Hef ekki lesið það og því ekki dæmt. Margir vita að oft er ekki rétt eftir haft í fréttamiðlum. Hitt er annað að blessaður maðurinn liggur undir ámæli fyrir að loka augunum fyrir hættumerkjum í þágu útrásarinnar s.k., semsagt fyrir að kóa með græðginni. Nú er það alltí einu slæmt, að hann skuli ekki gera það gagnvart sömu hneigðum í ferðaþjónustunni!

[Tómas H Sveinsson, 20.4.2010 kl. 14:24]

Kristján. Það er regin munur á íslenskri ferðaþjónustu sem aflar tekna sem koma inn í landið og útrásarvíkingum sem rændu landið og grófu fé sitt í skattaparadísum heimsins. Þessa menn mærði Bessastabjáninn í hástert og ekkert getur afsakað framkomu hans og hegðun gagnvart þessum þjófum, sem buðu ÓRG að ferðast með einkaþotum sínum og borða fínar máltíðir og borga svo með peningum sem þeir stálu af okkur öllum.

[Kristján H Theódórsson, 20.4.2010 kl. 14:40]

Má vera, en auðvitað verða menn samt að sýna þessum manni sanngirni. Ég hef gegnum tíðina ekki verið neinn sérstakur aðdáandi Ólafs forseta, en get ekki annað en tekið málstað hans þegar ég sé rottugengið ,fyrrum bandamenn sem fögnuðu ógurlega þegar hann þótti liðtækur að berja niður fjölmiðlalögin, hamast nú gegn honum fyrir samkvæmni, að vera  þeim ekki endilega undirgefinn á valdastóli.

Það má vissulega fallast á, eftir á að hyggja ,að hann hafi farið of geyst í stuðningi við útrásina. En, í ljósi  þeirrar gagnrýni sem í aðra röndina hefur linnulaust dunið á karlinum ,að hann væri óþarflega mikið að skipta sér af og gera sig gildandi,  var þá nema von að hann tæki þann kostinn að treysta því að kjörið ríkisvald flokkanna sinnti sínum eftirlitsskyldum af samviskusemi, og því hlyti allt þetta græðgisverk útrásar að vera í lagi.

Mér er sem ég sjái þær skítabombur sem karl hefði fengið ef hann hefði komið með varnaðarorð gegn allri vitleysunni! Náhirðin s.k. og margir fleiri hefðu líklega ekki dregið af sér að segja honum að halda sig á mottunni!

[Ásthildur Cesil Þórðardóttir, 26.4.2010 kl. 17:52]

Algjörlega sammála.  Þetta er sama þöggunartillagan og var fyrir Hrunið.  Má ekki segja óþægilegar fréttir.