Sérkennilegur málflutningur Kolbrúnar Bergþórsdóttur!

Var að horfa á Kolbrúnu og Ólaf Teit ræða stjórnarmyndunarmál. Kolbrún tók upp þykkjuna fyrir Ingibjörgu Sólrúnu vegna sífellds skítkasts Sjálfstæðismanna að henni, sem auðvitað er innistæðulaust, og ég er sammála henni í því.

 En svo kom þar sögu ,að nefnd var hugmynd sem farið er að slúðra um ,og talið áhugamál Davíðs Oddssonar og fleiri "hatursmanna" Ingibjargar . Sú er að kippa Frjálslyndum í stjórn til viðbótar við Framsókn til að styrkja hana og minnka vægi einstakra þingmanna.

Þá kom þessi innistæðulausa yfirlýsing frá Kolbrúnu um að þar væri ekki nokkrum manni treystandi!

Hvað hefur hún fyrir sér í því?  Hafa þingmenn Frjálslynda eitthvað til saka unnið? Kolbrún verður að rökstyðja sín orð, annars er hún á sama plani og Óvildarmenn Ingibjargar Sólrúnar!

Er hægt að vera ómálefnalegri en þetta ,að kasta einhverjum skít að mönnum sem ekki hafa neitt til saka unnið?

 

Athugasemdir

[Árni Gunnarsson, 16.5.2007 kl. 23:44]

Kolbrún Bergþórsdóttir hefur fengið sig viðurkennda sem sérlega mannvitsbrekku í fjölmiðlaheimi okkar. Innistæðu fyrir fyrir því hefur mér afar oft gengið illa að koma auga á. En einu sinni áttum við Eurovision lag sem hét, ef ég man rétt: "Það sem enginn sér".

En auðvitað býr konugarmurinn að þeim skilningi að alþingismanni sem sýnt hefur af sér þá óhæfu að fylgja sannfæringu sinni sé einfaldlega ekki treystandi. Hún er svosem ekki ein um það pólitíska þroskaástand. 

[Sigríður Laufey Einarsdóttir, 17.5.2007 kl. 04:05]

Gott að fleiri en ég í blogginu létu álit sitt í ljós um hlutdrægni RUV í kvöld.  Álitsgjafarnir voru með markvissan áróður fyrri Geir og Vinstri grænum eða Samfylkingu. Ætluðu ekki einu sinni að minnast á Frjálslynda en þurrkuðu þá síðan út í umræðunni með ósmekklegum sleggjudómum.

"Mannvitsbrekkan" Kolbrún setti því miður ofan hjá mér því mér hefur stundum þótt hún ágætur spyrill en nú sleppti hún sér með hlutdræga persónulega sleggjudóma sem eru henni til skammar; ásamt ritstjóra í Kastljósi sem ber að verja hlutlausa umræðu. Hann reyndi það ekki!!!

Með kveðju

[Ásthildur Cesil Þórðardóttir, 18.5.2007 kl. 20:07]

Já skömm er að henni.  Það upphefur enginn sjálfan sig með því að niðurlægja aðra.  Það er eins með þennan Þórhall Baldursson, eða Baldur Þórhallsson hvað sem hann nú heitir sá ágæti maður.  Hann hefur algjörlega rústað sínum trúverðugleika sem stjórnmálaspekingur með sínum öfgafullu og hatursfullu ummælum um Frjálslynda flokkinn hvar sem hann hefur komið því við.