Eru íslensk stjórnvöld að missa sig i fasískum vinnubrögðum?

Maður hefur verulegar áhyggjur af þessari framgöngu gegn ungum manni sem ekkert hefur til saka unnið annað en mótmæla með friðsamlegum hætti!  Eða hvað?

Er fánastöng Alþingishússins mikið sködduð?

Vonandi fá yfirvöld á baukinn fyrir, ef þetta reynist lögleysa og valdníðsla!

Bónusfánamaður handtekinn

Athugasemdir

[Vilhjálmur Örn Vilhjálmsson, 22.11.2008 kl. 13:29]

Sæll Kristján, ég las kannski fréttina og veit því að maðurinn var handtekinn fyrir eldra brot.  En að príla upp á Alþingishúsið með fána verslunar, sem notað rangeygt svín sem tákn sitt, er vanvirðing og líklega eru einhver viðurlög við því, sem þessi ungi maður er tilbúinn að sitja af sér í Hegningarhúsinu. Þetta er greinilega sannkölluð byltingahetja.

[Fasismi (IP-tala skráð) 22.11.2008 kl. 13:50]

Já og þú heldur kannski líka Vilhjálmur að það sé tilviljun að hann sé handtekinn daginn fyrir mótmæli ?

Vertu ekki svona grænn. Þeir hafa haft mánuði til að láta hann sitja þessa fáu daga af sér. Af hverju akkurat núna ?

Fyrir það fyrsta þá er það hjákátlegt í ljósi efnahagsbrota útrásarvíkingana að setja svona strák í fangelsi.

Orðið fasismi á svo sannarlega rétt á sér.

[Eva Hauksdóttir (IP-tala skráð) 22.11.2008 kl. 13:54]

Já þetta er fasismi og m.a.s. frekar heimskulegur fasismi. Ekkert hefur hindrað fangelsisyfirvöld í því að boða Hauk til afplánunar á löglegan hátt svo þetta er augljóslega ekkert nema örvæntingarfull tilraun til að bæla niður beinar aðgerðir og gjörninga sem vekja athygli og spurningar.

Við munum ganga að lögreglustöðinni við Hlemm til að mótmæla þessum vinnubrögðum eftir fundinn á Austurvelli nú á eftir.

[Kristján H Theódórsson, 22.11.2008 kl. 14:03]

Vilhjálmur,ég er auðvitað mest hissa á því að svona bráð þörf hafi myndast til að koma manninum aftur undir lás og slá daginn fyrir næsta mótmæladag. í ljósi þess að auðvelt virtist að gefa honum óumbeðið hlé á áður hafinni afplánun.

Auk þess má velta fyrir sér lögmæti svona framkomu. Spurningar vakna? Var úrskurðað af lögformlegum dómstólum að þetta fánamál væri þess eðlis að réttlætti tafarlausa tugthúsvist núna. Eða var þetta geðþóttaákvörðun?

Hvort þetta hefur verið meiri vanvirðing við  Alþingi sem slíkt heldur en ýmislegt sem þeir háu herrar þar innan dyra eru sekir um ítrekað, verður endalaust hægt að deila um.

[Kristján H Theódórsson, 22.11.2008 kl. 14:08]

"Maðurinn var handekinn fyrir eldra brot" Vilhjálmur og ég las það vissulega líka út úr fréttinni, en ég sé ekki í fréttinni að einhver hafi úrskurðað með dómi að þetta fánamál sé resivert brot sem sé hægt að nota sem réttlætingu fyrir skyndi fangelsun nú!

Má vel vera að sú sé raunin!

[Eva Hauksdóttir (IP-tala skráð) 22.11.2008 kl. 14:11]

Svívirðingin við Alþingi liggur í því að stórfyrirtæki skuli hafa komist upp með að stjórna því. Bónussfánaaðgerðin var ekki svívirðing við Alþingi heldur afhúpun á þeirri svívirðingu sem það hefur orðið fyrir. En það er eins og vant er; þegar vitringurinn bendir á tunglið, horfir fíflið á fingurinn.

[Vilhjálmur Örn Vilhjálmsson, 22.11.2008 kl. 14:35]

"Fasismi" og Kristján, það má vera að geðþóttaákvörðun sé á bak við þessa handtöku, en eins og mál standa nú held ég ekki að menn séu svo vitlausir hjá lögreglu- og dómsyfirvaldinu.

Menn sem neita að afplána dóma, eru alltaf sóttir af yfirvöldum. Lögreglan er með lista og tekur menn í þeirri röð sem þeir koma á þann lista. Ég leyfi mér að efast um að það sé eitthvað á bak við þetta. Líklega hafa menn í Alþingishúsinu þekkt kauða og kallað í yfirvaldið vegna þess að þeir voru hræddir um að hann myndi framkvæma ný strákapör.

Miðað við brot útrásarvíkinganna er það vissulega alveg út í hött að eltast við svona exhibitiónista. En þeirra tími hlýtur að koma.

[Kristján H Theódórsson, 22.11.2008 kl. 14:49]

Ég hef hvergi séð haldið fram að maðurinn hafi neitað að afplána dóminn, þvert á móti hafi honum verið nánast hent út úr afplánunni.

Strákapör á við þetta eru líka sárasaklaus miðað við margt vafasamt sem er að koma á daginn að hefur verið liðið á hærri stöðum og virðist jafnvel enn liðið!