Auðlindir og atvinnuréttindi verða séreign fárra ef við kjósum yfir okkur ótuktarflokkana áfram!

Framtíðarstefna forkólfa Þarmsóknar og Ríghalds , er að koma í eigu nokkurra útvalinna vildarvina flokkanna sem flestum auðlindum til lands og sjávar.

Í kjölfarið má búast við lagasetningu um að enginn megi ráða sig í vinnu nema í gegnum starfsmannaleigur , sem vildarvinum flokkanna verður að sjáfsögðu úthlutað réttindum til að reka. Þar verður stundað eitt allsherjar hórerí með vinnuaflið. Allir seldir út á forsendum rétthafanna sem hirða drjúgan hluta afgjaldsins.

Verslunin verður bundin sérleyfum, n.k. kvótakerfi í anda hinnar gömlu verslunareinokunar Hansakaupmannanna . Verslunarkeðjurnar skipta með sér markaðnum og versla með leyfin sín á milli .

Að sjálfsögðu munu ótuktarflokkarnir setja þeim útvöldu reglur um tíund vegna gæslu sérhagsmunanna!

Síðan verður galað hátt um dásemdir frelsis og einkaframtaks í skjóli þeirra Gei Hil Hungs og Jons Sig Sungs!

Ránfuglinn sýnir klærnar! Lítilmagnanum skal haldið í fjötrum fátæktar !

Fylgjendur stjórnarflokkanna fara nokkrir mikinn á blogginu og víðar og býsnast yfir "ÓSVÍFNUM" tillögum Frjálslyndra og fleiri um að leiðrétta til fyrra horfs skattleysismörk launþega, en þau hafa verið markvisst skert með þeim hætti í tíð þessara vina ríka mannsins.  Síðast í gær var Birgir Ármannsson að býsnast yfir þessu hér á blogginu.

"150.000 kr. skattleysismörk - 50 milljarða tekjutap

Fjármálaráðuneytið fjallar í vefriti sínu í dag um áætlað tekjutap ríkissjóðs vegna hækkunar skattleysismarka. Skattleysismörkin hafa verið vinsælt umræðuefni í kosningabaráttunni og sumir stjórnarandstöðuflokkar hafa gefið afar glannalegar yfirlýsingar um áform sín í þeim efnum.

Af samantekt ráðuneytisins má sjá að hækkun skattleysismarka í 100.000 kr. á mánuði myndi leiða til samdráttar í tekjum ríkisins um 6,4 milljarða, hækkun í 120.000 kr. þýða tekjutap upp á meira en 25 milljarða og 150.000 kr. skattleysismörk myndu leiða til þess að ríkið hefði 50 milljörðum króna minna úr að spila á ári.

Í ljósi þess hvað hér getur verið um gríðarlega háar fjárhæðir að ræða er nauðsynlegt að stjórnarandstöðuflokkarnir - einkum þeir sem mestu lofa í þessu sambandi - skýri nánar út hvernig þeir hyggjast mæta þeim mikla samdrætti í tekjum ríkisins sem þessar tillögur geta haft í för með sér. Ætla þeir að hækka aðra skatta gríðarlega eða hafa þeir hugmyndir um tugmilljarða niðurskurð í ríkisútgjöldum?"

Er þetta ekki dæmigert fyrir siðblindu,að flokkur sem í orði kveðnu þykist berjast fyrir lægri sköttum, skuli ganga fram fyrir skjöldu í að skattpína þá sem minnst hafa fyrir sig að leggja í þjóðfélaginu, og tala um "tekjutap ríkissjóðs" í því sambandi.

Þessir höfðingjar tala hinsvegar hástemmt fyrir lækkun skattprósentunnar sem kemur hálaunamönnunum margfalt betur .

Það á að vera algjört bannorð að skattleggja þær tekjur sem einstaklingar þurfa sér til framfærslu, og þá án þess að um algjört hokur sé að ræða!

 

Tilkynning dómsmálaráðuneytis ekki pappírsins virði og sannfærir engan!

Nema ef til vill hörðustu frammara!   Björn "frændi " reynir að koma stóra stráknum í allsherjarnefnd til hjálpar!

Ráðuneyti útskýrir skjóta afgreiðslu ríkisborgararéttar

Segir ekkert athugavert við afgreiðslu ríkisborgararéttar

Dóms- og kirkjumálaráðuneytið segir ekkert athugavert við afgreiðslu á umsókn stúlku frá Gvatemala um íslenskan ríkisborgararétt en stúlkan tengist Jónínu Bjartmarz umhverfisráðherra.

Í tilkyningu frá dómsmálaráðuneytinu segir að aðalreglan sé sú að alþingi veiti íslenskan ríkisborgararétt með lögum. Þegar umsækjandi óski eftir að umsókn fari fyrir alþingi fari hún um hendur dóms- og kirkjumálaráðuneytis sem leiti umsagnar lögreglu og útlendingastofnunar.

Í þessu tilviki hafi verið gefið til kynna að afgreiðsla umsóknarinnar hafi verið á annan veg en almennt gerist en það sé ekki rétt. Upplýsingar frá lögreglu og útlendingastofnun séu þess eðlis að almennt sé unnt að veita þær samdægurs ef svo beri undir.

Segir enn fremur í tilkynningu frá dómsmálaráðuneytinu að tímafrestir, sem getið sé um á vefsíðu dóms- og kirkjumálaráðuneytisins, gildi þegar ráðuneytið sjálft veitir ríkisborgararétt en ekki þegar umsókn sé lögð fyrir alþingi.

Matthíasi til lítils sóma!

A.m.k. tveimur Framsóknarmönnum,Birni Inga Hrafnssyni og Pétri Gunnarssyni, þykir henta að taka upp orðrétta tilvitnun í fyrrverandi Moggaritstjóra af bloggi hans í gær! 

Þar reynir hann með lágmennsku að kasta rýrð á það fólk, fréttamenn ,stjórnmálamenn og fleiri,  sem hafa komið að því , í þágu íslenskrar þjóðar , að upplýsa um meint feilspor allsherjarnefndar alþingis við tillögugerð um veitingu ríkisborgararéttar.

"Eltingarleikurinn við Jónínu Bjartmarz út af ríkisfangi tengdadóttur hennar er engum til sóma og       sýnir freistingar bloggsins.Þar voru á ferðinni beinakerlingar sem eru ekkert betri en vondir fréttamenn og enn verri pólitíkusar sem ég hef ekki geð í mér að nefna."

Í mínum huga eru þetta fólk, í himinhæðum ofar Matthíasi og Framsóknarmönnunum í réttsýni og heiðarleika. 

Þetta mál snýst ekki um Jónínu Bjartmarz og fjölskyldu, þótt þau með óþægilegum hætti lendi í hringiðu umræðunnar. Þetta varðar kröfu okkar um að öll stjórnsýsla sé málefnaleg og réttlát á þessu sviði sem öðrum, og að valdhafar viti að með þeim sé fylgst, og við þorum að gera athugasemdir ef útaf ber! 

Það á ekki að líðast að gamlir beturvitrungar dúkki upp og kasti rýrð á þá sem standa vaktina fyrir okkur .Það að hafa ritstýrt Mogga um áratuga skeið jafngildir ekki vottorði um tiltekna mannkosti !

"

 

Froðufellandi froðusnakkar fordæma Frjálslynda!

Þetta kom helst uppí hugann við lestur innleggja hér á blogginu undanfarið.

Virðist sem örfáir einstaklingar hafi fengið þetta svo á heilann, að flokksmönnum frjálslyndra gangi eitthvað óhreint til með að taka upp umræðu um málefni innflytjenda, að þeim getur varla verið sjálfrátt.

Engin rök , bara fullyrðingar um eitthvað misjafnt hugarfar sem að baki búi. Skólabókardæmi um fordómafulla einstaklinga. 

Haldið þessu bara áfram, fólk sér í gegnum froðusnakkið !

Leiðbeinandi fyrir kjósendur. Ekki leyfa langar stjórnarsetur!

Jón framsóknarmaður benti réttilega á ,að Jóhannes Geir væri búinn að sitja nógu lengi í Stjórn Landsvirkjunar ,og því kominn tími á breytingu þar.

Ríkisstjórnin á  12 ára afmæli um þessar mundir. Búin að sitja álíka lengi og hinn burtrekni Jóhannes Geir.  Engin ástæða til annars en þeirra setu sé líka lokið.

Útaf með þá kumpána Jón og Geir!

Geir "góði" reynir að blekkja!

Horfði á umræðuna í Reykjavík suður á stöð 2 áðan.  Þar reyndi Geir að slá sig til riddara á kostnað flokka sem hafa boðað hækkun skattleysismarka. Býsnaðist yfir að þeir gerðu sér ekki grein fyrir kostnaði sem gæti numið allt að 50-60 milljörðum fyrir ríkissjóð. 

 Síðan sló Geir því fram, að auk þess hefði hækkun skattleysismarka þann annmarka, að hinir hæstlaunuðu fengju jafn mikið og þeir láglaunuðu. því væri betra að lækka skattprósentuna, Og gauka svo einhverjum aumingjastyrkjum að þeim lægralaunuðu eftir að búið væri að taka af þeim nauðþurftartekjurnar í sköttum.

Þvílíkt endemis bull!

Hækkun skattleysismarka gefur jú hálaunamanninum sömu krónutölu og þeim sem lægri hefur launin en  minna sem hlutfall launa .

Lækkun skattprósentu gefur hinsvegar hálaunamanninum margfalt meiri ávinning en þeim sem lægri hefur launin.

 

 

Réttindi einhleypra fyrir borð borin,! Prestar neita að vígja 50 ára piparsvein í hjónaband með sjálfum sér!

Hvað eigum við að elta vitleysuna lengi. Ég veit að ég er að steypa mér í hálfgerða ormagryfju með að velta þessum málum fyrir mér, og á eflaust að fá á mig ásakanir um að ég hati hina og þessa þjóðfélagshópa, en tel mig samt tiltölulega fordómalausan mann, með mikið umburðarlyndi.

 Er ekki heittrúaður þótt ég tilheyri þjóðkirkjunni og hafi m.a. gengt meðhjálparastörfum á þeim vettvangi fyrir c.a. 20 árum síðan. Út frá trúarlegum forsendum tæki ég ekki nærri mér að sam kynhneigðir fengju venjulega hjónavígslu, en það er bara rökleysa að það sé einhver réttur sem þeim skilyrðislaust ber.

Ég get með engu móti skilið,að öllu þurfi að  steypa í sama mót.   Að öll sambúðarform   eigi rétt á    samskonar  athöfnum hjá trúféögum, án tillits til upphafsins, er auðvitað bara bull.

Karlmaður sem gengur í hjónaband með konu, er t.d. þar með búinn að afsala sér réttinum til að fara heim af ballinu , hvort heldur sem er  með   "fallegustu stelpunni eða þeirri sem gerir sama gagn".  Hann verður að láta sér nægja þá þeirra sem hreppti þaðan í frá.

Ýmsar ákvarðanir okkar á lífsleiðinni  hafa áhrif á hvaða möguleika við höfum til að taka þátt í ýmsum serimoníum samfélagsins. Skiptir þá litlu hvort þær  eru meðvitaðar eða ómeðvitaðar, ég á enga sérstaka kröfu á að allir lúti mér og mínum löngunum til að gera allt sem mig langar til að gera.

 

 

Vanstilltir "vinstri" menn!

Það er svolítið umhugsunarvert , að nokkrir einstaklingar hafa verið sérstaklega heiftúðugir og vanstilltir í garð Frjálslyndra vegna umræðunnar um innflytjendamálin. Þetta eru yfirleitt fylgjendur s.k. vinstri flokka Samfylkingar og Vinstri grænna. Þetta eru auðvitað bara örfáir minni spámenn.

 Allt þokkalega upplýst fólk er löngu búið að átta sig á að engin rök eru fyrir þeim heiftaráróðri sem verið hefur gegn Frjálslyndum vegna innlytjendaumræðunnar. Það mátti öllum vera ljóst sem hlýddu á yfirvegaðan málflutning Lýðs Árnasonar í Silfri Egils á sunnudaginn var.

Sömuleiðis hefur verið greint frá því að Karl Tómasson, sem reyndar er fulltrúi Vinstri grænna í bæjarstjórn Mosfellsbæjar , hefur að sögn orðið fyrir svæsnum árásum vegna framkvæmda í Mosfellsdal sem bæjaryfirvöld samþykktu í óþökk margar bæjarbúa. Nú hef ég reyndar ekki sönnur á að þar séu flokkssystkini hans , eða Samfylkingarfólk sérstaklega á ferð þótt óneitanlega læðist að manni grunur um að svo sé.  Þetta fólk vill jú gjarnan telja sig sérstaka umboðsmenn náttúrunnar nú um stundir.

Er þetta virkilega sérstakur fylgifiskur s.k. vinstrimennsku, að hafa litla stjórn á skapsmunum, og kunna sér ekki hóf í skætingi,og því að úthrópa fólk fyrir skoðanir sínar, þegar  rökin þrýtur!

 

Kjósendur! Hvílum þessa stjórn, hún á það skilið!

Ég er farinn að hafa áhyggjur af stöðu mála. Þessi stjórn sem hefur verið að hrella okkur síðustu 8 árin er sannarlega búin að vinna fyrir hvíldinni. 

Oft stóð tæpt á líðandi kjörtímabili með að maður hefði á hreinu hvort maður væri búandi á Íslandi, eða einhverju ótilgreindu grínríki!