Skyldi launasamningurinn hans ekki endurskoðaður?

Nógu slæmt er að þessum manni skuli áfram treyst fyrir stjórn bankans, en það væri hrein hneysa ef hann heldur sínum ofurkjörum óskertum!

Lárus áfram bankastjóri Glitnis

Skyldi hann geta bjargað íslensku Bön Ku-num!

Bara smá orðaleikur!

Geir bauð Ban Ki-moon til Íslands

Las óstaðfesta slúðursögu !

 Man ekki einu sinni hvar! 

 Nefnilega að vegna mikillar vináttu milli fjölskyldna hlutaðeigandi, hafi Björn nokkur stundum tekið að sér barnagæslu hjá vinafólki, þar sem ungur drengur að nafni Haraldur hafi  þarfnast eftirlits!

Hygg að geti staðist út frá aldursmun þeirra félaga!

Forðum bleyjum skipti Björn,

á barninu hans Matta.

Fróni nú hann velur vörn,

og veðjar á þann patta.

Einstakt dómgreindarleysi!

Að hann Björn skuli ekki átta sig á vanhæfi sínu í þessu máli!

Í ljósi þess að stærstur hluti þessara hlerunarmála eiga sér sennilega upptök í ráðuneyti og eða stjórnsýslustofnunum sem lutu yfirstjórn föður hans, Bjarna Benediktssonar, og þannig á hans ábyrgð, hver sem vitneskja hans hefur verið um aðgerðir hverju sinni.

Þar af leiðandi á ekki nokkur maður svo mikið sem hlusta á píp Björns um þessi mál, tali hann sem dómsálaráðherra um þau.

Honum ber auðvitað að segja af sér sem slíkur gagnvart allri umfjöllun um þessi mál.

Hitt er svo önnur saga og auðvitað ekki nema mannlegt ,að hann reyni að bera blak af föður sínum, ef verið er að ásaka hann um að hafa farið fram ólöglega gegn samborgurum og samþingsmönnum sínum mörgum, að þessu leyti.

Honum ber þá að gera það sem óbreyttur Björn Bjarnason .

Símhleranirnar voru ekki ólöglegar

Hvernig má það vera að ekki sé hægt að leiðrétta ranglæti í einum áfanga?

Nánast alþjóð, jafnt lærðir sem leikir , virðast sammála um að launakjör ljósmæðra séu ranglát miðað við menntun og ábyrgð þeirra í starfi!

En, ótrúlegasta fólk virðist tilbúið að fallast á að ekki sé hægt að leirétta þetta ranglæti nema í áföngum.

Sambærilegt væri líklega  maður sem hefði verið ranglega dæmdur til fangavistar , að  ekki væri hægt að veita honum frelsi nema í áföngum þegar hann ljóst væri að hann hafi hlotið óréttlátan/rangan dóm og sýknun átt sér stað!

Hvað er heilbrigðiskerfið búið að spara gegnum tíðina með því að vanmeta störf þessarar stéttar, og neita henni um leiðréttingu þegar betur áraði?

Hversu mikið meira er til skiptanna í kerfinu ,vegna þessara vangreiddu launa.

Mér finnst eðlilegt að verða við kröfum ljósmæðra nú þegar, og prísa okkur sæl fyrir að þær fari ekki fram á afturvirka leiðréttingu til margra ára!

Ljósmæður! Ekki gefa þumlung eftir fyrir hálaunuðum lágmennum hins heillum horfna dýralæknis!

Hvaða undirmálsfólk sat í nefndinni?

Maður hlýtur að spyrja sig þessarar spurningar við lestur þessarar niðurstöðu.

Hraksmánarlegar bætur fyrir að rústa lífi manna. Er þetta fólk ekki í lagi?

 Ráðamenn hefðu betur haldið kjafti og eða neitað strax að gera nokkuð fyrir þetta fólk, heldur en að vekja vonir sem síðan er traðkað á!

Fimm stig gefa 375 þúsund krónur

90 ár frá fæðingu móður minnar!

Fyrir réttum 90 árum, þann 19. júní 1918  fæddist í Krossadal lægri við utanverðan Tálknafjörð,afskekktu býli við ysta haf,  móðir mín ,Guðmunda Finnbogadóttir.  Hún var næstyngst í stórum systkinahópi, en alls voru þau 10 .  Föður sinn missti hún tæplega 5 ára gömul, og leystist þá heimilið upp eins og oft gerðist.  Hún var þó svo lánsöm að fá að fylgja móður sinni ásamt yngsta bróðurnum í vistum á ýmsum bæjum í firðinum .

Síðar lá leiðin til Patreksfjarðar við hin ýmsu störf og á húsmæðraskóla á Ísafirði og að endingu í Eyjafjörðinn, þar sem hún kynntist föður mínum á því herrans ári 1946.  Gengu þau í hjónaband 22. desember s.á. sem greinir í 100 ára minningu hans hér fyrr á þessum bloggvettvangi.

Í Eyjafirði "fram", á Ytri-Tjörnum, Freyvangi og Tjarnalandi var hennar starfs- og lífsvettvangur úr því næstu tæp 50 árin, þar sem hún ól og kom til manns 10 börnum við skilyrði sem í dag þættu ekki boðleg . Húsnæðisþrengsli og oft ekki úr miklu að spila á tímum skömmtunar og hafta margskonar.

Aldrei minnist ég þó svengdar eða hafa liðið fyrir erfiðar aðstæður ,og mun það engum  frekar að þakka en þessari hversdagshetju sem fæddist á sjálfan kvennadaginn 1918,er 3 ár voru liðin frá að íslenskar konur fengu kosningarétt. Hún lést á Kristnesspítala þann 4. ágúst 1996.

Afkomendurnir eru orðnir hátt á sjötta tuginn og ætla þeir að koma saman ásamt mökum á niðjamóti í Freyvangi núna um helgina til að minnast þeirra.

 

 

Brugðist fljótt og vel við svikabrigslum mínum?

Tek ofan fyrir Ingibjörgu Sólrúnu að bregðast svona hratt við brigslum mínum um svik við kosningaloforð sín! (Sjá aðra færslu hér á undan).

 

Eftirlaunalög Alþingis verða felld úr gildi

"Brjálæði að vilja flugvöllinn úr Vatnsmýrinni!" Frétt af Vísir.is með vísan í Lesbók Moggans!

Danskurinn tekur upp hanskann fyrir ca. 60 % borgarbúa og Ólaf F.

"Danskur arkitekt sem er einn af aðalarkitektum nýja tónlistar- og ráðstefnuhússins í miðborginni, segir brjálæði að vilja Reykjavíkurflugvöll burt úr Vatnsmýrinni. Það sé auðlind út af fyrir sig að hafa flugvöll í borginni og það spari einnig orku.

Það er stundum sagt að glöggt sé gestsaugað, en ekki eru gestirnir alltaf sammála. Þannig unnu skorskir arkitektar samkeppni um skipulag Vatnsmýrarinnar þar sem gert er ráð fyrir því að flugvöllurinn hverfi úr Vatnsmýrinni. Í Lesbók Morgunblaðsins í dag er viðtal við danska arkitektinn Peer Teglgaard Jeppesen ein frægasta arkitekt Dana og hönnunarstjóra arkitektastofunnar HLT í Danmörku. Stofa hans tók þátt í að hanna bæði aðalstöðvar Háskólans í Reykjavík við Öskjuhlíð og nýja tónlistar- og ráðstefnuhúsið við Reykjavíkurhöfn. Í viðtalinu segir Peer að hann voni að Reykjavíkurflugvöllur verði áfram í Vatnsmýrinni. Það sé auðlind að eiga flugvöll og brjálæði að vilja heldur aka í hátt í tvo tíma til Keflavíkur. Flugvélar muni þróast og þurfa styttri flugbrautir og því gæti flugvallarsvæðið hugsanlega minkað.

Orðrétt segir Peer: „En í framtíðinni væri það styrkur fyrir borgina að hafa flugvöllinn. Þannig má komast á auðveldan og fljótlegan hátt inn í miðborgina." Einnig þurfi að huga að orkunotkuninni og því ekki gáfulegt að láta fólk aka langar leiðir að óþörfu."

Spurnig hvort hið óstjórntæka borgarfulltrúalið ætti ekki að fara að víkja fyrir öðrum sem eru líklegri til að túlka sjónarmið almennings í borginni í réttum hlutföllum!

Hænsnakofa syndromið segir enn til sín!

Undanfarna daga hefur þjóðin orðið vitni að lágkúrulegu einelti gegn Ólafi borgarstjóra. Hann hefur víst unnið það til saka að hafa ráðið mann ,tímabundið ,til að taka til í miðborginni. Þetta virðist hugsað sem skorpuvinna, n.k. akkorð, enda verið hamast á bogaryfirvöldum undanfarið fyrir niðurlægingu miðbæjarins.

Nú fara þeir sömu fjölmiðlar, sem hneyksluðust sem mest á því skammarlega ástandi sem þarna ríkir, hamförum gegn borgarstjóra fyrir að ætla að hrista af sér slyðruorð. Sleppa löngu auglýsinga-og ráðningaferli, og ráða röskan mann til að ganga strax í verkið.

Borgarstjóri er tekinn í yfirheyrslur æ ofan í æ eins og um óbótamann sé að ræða,meira að segja Villi Vill var varla yfirheyrður annað eins fyrir sín sannanlega stórkostlegu afglöp.

 Og spældir minnihlutamenn reyna að ata hann auri sem mest þeir mega. Líkast til hræddir um að opinberað verði þeirra eigið getuleysi í fyrri meirihlutum borgarkerfisins.

 Það er líkast því að dagskipunin sé að reyna að brjóta borgarstjóra á bak aftur , svona í ljósi meintra andlegra erfiðleika hans um tíma, er hann tók sér leyfi frá störfum.  Minnir þetta óneitanlega á það hátterni sem löngum hefur verið kennt við hænsnfugla ,og ekki þótt þeim til sóma, að ráðast að meint veikluðum einstaklingum og reyna að gogga þá til ólífis!

Ekki ætla ég Ólafi annað en að standa þessa atlögu af sér.Margur hefur lent í tímabundinni krísu og náð sér upp aftur.

Hlálegur er sá málflutningur að maður geti ekki verið traustur einstaklingur, þótt honum sé ekki sýnt að koma fram í fjölmiðlum sem einhver glansfígúra og tala í hringi eins og sagt hefur verið um forvera hans einn.  Annar forveri sem nú er komin í landsstjórnina, þótti röggsöm í viðtölum, en hvað blasir nú við um efndir í landsmálum ?  Svik á svik ofan!

Sakna þess að stöð 2 spyrji Samfylkingarformanninn beint að því reglulega, hvenær eftirlaunaósóminn verði afnuminn s.k.v. hennar eigin loforði!

Virðist ekki geta stutt sinn flokksfélaga ,Valgerði Bjarnadóttur,í þeirri baráttu!

 

Miðborgarstjóra R-listans var boðið starfið