Nú ár er liðið !

Síðan ég stofnaði þessa bloggsíðu og setti inn fyrstu færsluna. En það var 10.apríl 2007 kl 23,35 sem fyrsta innleggið mitt birtist hér,en skráður stofntími er 23,05. 

Færslurnar eru síðan orðnar 112 skv. færslulista,ef þessi er meðtalin og flettingar rétt rúmar 8000, sem telst víst ekki mikið miðað við margan bloggarann. Kannske sólarhringsfletting hjá þeim mest skoðuðu!

Hér er auðvitað ekki um neinn merkisatburð að ræða, en ákveðin tímamót samt. Reiknaði ekki með að halda svona lengi út. Hef bloggað eitthvað flesta mánuði, ef undanskilinn er septembermánuður .

Af þessu tilefni ætla ég að sleppa því að hnýta í nokkurn í þessar færslu.

En semsagt  til hamingju með áfangann ,að halda út árið!

Ránfuglar íhaldsins vilja hremma Súlur og Hlíðarfjall!

Ég hef lengi undrast þá framgöngu fjármálaráðherra sjálfstæðisflokksins(kommúnistaflokks Íslands) að vilja þjóðnýta þinglýstar lendur annarra ,einstaklinga og sveitarfélaga.

Þetta flokksóbermi kennir sig við einstaklingsfrelsi og virðingu fyrir einkaeignarréttinum.

Þvílík öfugmæli , að skynsamt fólk skuli endalaust láta hafa sig í að kjósa þessa vitleysinga sem löngu eru búnir að drulla yfir gömul gildi flokksins.

Skammist ykkar Geir H.Haarde og Árni Mathiesen,!

Kjánar Íslands standa að sjálfsögðu saman! II

Ég tók erlent lán, nokkrar millur og nú hefur höfustóllinn hækkað þvílíkt í krónum talið!

Þeir sem vilja styrkja mig í þessum þrengingum mínu, sem auðvitað eru vondum auðmönnum Íslands að kenna, vegna meintrar spákaupmennsku og atlögu að krónunni, vinsamlegast sláið umslagi utan um japönsk jen og sendið mér á Þingvallastræti 26 n.h.,Akureyri.

Kjánar Íslands standa að sjálfsögðu saman!

Gegnum þykkt og þunnt .

Söfnun fyrir Hannes Hólmstein

Agnes úr jafnvægi!

Sérkennilegt að horfa á silfur Egils áðan, hvernig Agnes Bragadóttir fór gjörsamlega úr jafnvægi vegna palladóma sem birst hafa um Styrmi Gunnarsson í tímaritinu Herðubreið.

Hún bókstaflega froðufelldi yfir þeiri ósvinnu að ekki skyldi eintómt fallegt sagt um manninn.

Gerði sér greinilega ekki ljóst að hvorki hún ,sem þiggjandi sitt lifibrauð úr hendi nefnds Styrmis, né skólabróðir hans og stórvinur, Jón Baldvin Hannibalsson geta talist marktæk gagnvart hugsanlegum ávirðingum á hendur Styrmi.

Ekki þar fyrir að ég telji Styrmi alvondan, vafalaust merkur maður og grandvar um margt. En Agnes blessunin er ekki marktækur umsagnaraðili og á ekki innistæðu til þessara viðbragða!

Um hæfi til Umboðsmanns til að úrskurða vegna gruns um fyrirfram myndaða skoðun!

Árni Mathiesen verður að gera sér grein fyrir því að umboðsmaður alþingis er ávallt í þeirri stöðu að geta þurft að gefa álit á stjórnsýslunni. Þess vegna geta  það ekki verið gild rök fyrir að ómerkja úrskurð hans á forsendum fyriframgefins viðhorfs.

Þegar svona tilvik koma upp hlýtur hann ávallt ,skv. embættisskyldu , að íhuga ekki seinna en strax ,og jafnvel mynda sér skoðun á hvort málið standist eðlileg viðmið um löglega og vandaða stjórnsýslu!

Hér er hann í ólíkri stöðu og t.d. ráðherra sem hefur á  einverju stigi gefið upp skoðun á tilteknu máli sem síðar kann að verða skotið til hans til úrskurðar, eða gefið umsækjanda um stöðu við embætti sem hann skipar meðmæli.    Það gerir viðkomandi að sjálfsögðu vanhæfan !

Umboðsmaður hefði hinsvegar þurft að lýsa yfir áður en málinu var skotið til hans, að hann teldi Árna sem settan dómsmálaráðherra ráðherra brotlegan,  til að  því væri hægt að jafna saman!

 

Karl faðir minn fæddist líka fyrir 100 árum !

Theodór Kristjánsson ,f. 12.marz 1908, d.1.maí 1994.  Fæddist á Ytri-Tjörnum í Eyjafirði og ólst þar upp. Vann að bústörfum í foreldrahúsum framan af, en með vélvæðingunni og tilkomu bílsins fann hann sér strafsvettvang. Fékk sér ungur vörubíl, gamla ford 1930-31 árgerð og fór að sinna akstri í þágu sveitunganna snemma, fór til Reykjavíkur og sinnti m.a. akstri fyrir herinn á stríðsárum. Kom aftur norður í sveitina kæru og gerðist gröfukarl .

Framræsla Staðarbyggðamýra hin síðari hófst af fullum krafti upp úr stríðinu og réðist faðir minn sig til starfa við það verkefni ,sem menn töldu þá horfa til framfara, en nútíminn telur víst hafa verið misráðið. Starfaði hann síðar um tíma sem viðgerðamaður á vegum Vélasjóðs ríkisins sem rak skurðgröfurnar fyrstu árin. Ferðaðist þá vítt um land í þeim erindum, en tók svo aftur til við skurðgröftinn á heimaslóð sem sumarstarf næsta aldarfjórðunginn, en sinnti akstri skólabarna að vetrinum.

Kvæntist 22.desember 1946 móður minni ,kjarnakonunni Guðmundu Finnbogadóttur , kominni af Vestfirskum galdramönnum eins og faðir minn gjarnan sagði, fæddri í Krossadal við Tálknafjörð 19.júní 1918. d. 4.ágúst 1996. Fæddust þeim 9 börn sem öll komust til manns, 5 dætur og 4 synir auk 1 dóttur sem móðir mín átti fyrir.

1965 ,eftir að hafa m.a. um nokkurt skeið verið húsverðir í Félagsheimilinu Freyvangi meðfram öðrum störfum og haft búsetu þar., keyptu foreldrar mínir nýbýlið Tjarnaland af systur hans og mági og hófu búskap með kýr og kindur .  Á Tjarnalandi , nýbýli úr fæðingarjörð hans Ytri-Tjörnum bjuggu þau síðan til æviloka eftir að hafa átt nokkurra ára seinni hálfleik í Freyvangi sem húsverðir.

Blessuð sé minning þeirra!

100 árum of seint

Fangaflug CIA, þvílík forsmán að skuli líðast í nútímaþjóðfélögum

að eitt öflugasta stórveldi heims valti yfir heimsbyggðina með þessum viðbjóði. Var að horfa á Danska heimildarmynd um þessa hneysu. Ljóst er að Bandaríkjamönnum hefur tekist að gera okkur Íslendinga og Dani f.h. Grænlendinga samseka í hrikalegum mannréttindabrotum með að samþykkja með uppgerðar meðvitundarleysi að s.k. fangaflugvélar fái að millilenda og fljúga um lofthelgi ríkjanna.

Snautlegt að sjá danska ráðamenn þykjast tröllheimska þegar gengið var á þá með að tjá sig um rökstuddar grunsemdir um þessi fangaflug. Öll munum við undirlægjuhátt okkar ráðamanna við svipaðar aðstæður.

 

Banna ber öll stórvirk veiðarfæri s.s. troll.

Eina vitið í stöðunni. Augljóst að verið er að rústa lífríki sjávarins með yfirgangi öflugra skipa með skaðleg veiðarfæri.  Þegar sá yfirgangur bætist við ýmis mengunarvandamál og loftlagsbreytingar er ekki von að vel fari.

Leyfum eingöngu veiðar með handfærum og e.t.v . einhverjum netastubbum. Og höfum eingöngu sóknartakmarkanir ef þörf er talin á!

Allir fiskistofnar í hættu

Er þetta ekki bara umhyggja fyrir Kastró?

Að karl greyið þurfi ekki að lifa lengi við valdaleysi. Maður sem þekkir ekki annað en að ráða svo lengi sem elstu menn muna?

Að Kastró bráðum kveðji þennan heim,

Kænu Makki þráir afar heitt

 Í æðri veröld tekið höndum tveim,

til  Marxa Kalla, Fidel brosi breitt.

McCain vonast til að Kastró fari brátt yfir móðuna miklu