Þarf að taka dómara í heilaskönnun?

Manni fer að falla allur ketill í eld yfir þeim fáránleika sem virðist birtast í niðurstöðum hinna ýmsu dóma nú um stundir.

Það liggur fyrir og hefur verið sannað margoft að fjármálafyrirtækun margbrutu af sér og blekktu,  en-  nei þú skalt samt borga uppí topp allt sem þeir blekktu þig til að fá að láni á upplognum forsendum af þeirra hálfu, og fyrir liggur að þau komu í bakið á þér skellihlægjandi um leið og þú snerir þér frá þeim. Hentu nánast gaman af þessum fíflum sem verið var að narra.

Einkennilegt að okkar umdeildu Bandaríkjamenn virðast líta allt öðruvísi á svona svik.

Íslenskur dómari mundi líklega bara úrskurða þetta síðasta hálf-íslenska svikamál þar,  sem frjálsan samning milli aðila, og blessaður auðmaðurinn hafi alveg getað passað sjálfur uppá að ekki væri verið að plata hann! Honum hafi verið nær hefðu íslenskir dómarar svellkaldir dæmt, eða hvað?

En auðvitað er ekki búið að dæma í því máli, en miðað við hörkulega framgöngu gegn meintu afbrotafólki virðast USA menn ekki í vafa hver er brotlegur!

Losna ekki við skuldbindingar þrátt fyrir hrun

Hvaða hvaða?

Er þetta ekki bara íslenska bankamódelið sem hefur verið yfirfært til USA.

Ekki eru okkar bankamenn svona hreint og beint á forsíðum sem meintir fjársvikarar þótt auðvitað sé það meining okkar margra að þeir ættu  að fá svipaða umfjöllun .

Hver er annars munurinn á að bjóða manni falska tölvuvernd gegn góðri þóknun, eða bjóða manni falska ávöxtun sparifjár og hirða það svo nánast allt af manni og koma fyrir í eigin Tortólureikningum eftir hókuspókus ?

 Eða að taka stöðu gegn krónunni með tilheyrandi gengisfellingum og vísitöluuppreikningi, og ganga svo hart fram gegn þolendum uppskrúfaðrar verðtryggingar og hirða af þeim reyturnar?

Íslensk kona grunuð um stórfelld fjársvik